Tum Hi Ho...

Kyun na ik din aisa ho,

Har baar nahi...

Ik baar sahi,

Ik baar kam-az-kam aisa ho

Tum jhaank kar meri aankho mein,

Padh lo sab haal mere dil ka

Main chhupa na paun qatra bhi,

Sun ko har saaz mere dil ka

Ye jaan kar ki tum jaan gayi,

Meri chahat ko pahchan gayi

Main ro dun toot ke kuch aise

Bah jaye sabhi gham is dil ke

Tum rok sako na wo aansu

Aur khud bhi ro do saath mere

Fir kah do ab bas bahot hua

Iqraar lo mai bhi karti hun

Maan gayi bas Tum Hi Ho...

Aur pyaar tum hi se karti hun